गाँजा बाजा मा किन सेन्सरको रोक ?? || CENSOR BOARD REJECT NEPALI MOVIE TITLE " GAANJA BAAJA" WHY ??

वास्तबमा चलचित्र भनेका समाजको चित्रण हुन् जसले  सकारात्मक संदेश दिनुपर्छ। हाल चलचित्रमा समाज  र परिवार संग बसेर हेर्न नसकिने कैयौं तेस्ता सिन हरु देखाएको हुन्छ यसको मतलब चलचित्र सेन्सर बोर्ड ले सेन्सर पास गरेको छ।  तर आज एउटा गाँजा बाजा नाम को कारणले सेन्सर बोर्डले पास गरेको छैन यो सबै किन ? आदरणीय गदेश देब पाण्डे दाजु को फेसबुक बाट मैले वहा को इस्टाटस कपी गरेर यहाँ पेस्ट गैरेको छु ताकि वहाको कुरामा मा पनि सहमत छु र सारा जनतालाई यो इसु सुनाउन चाहन्छु। 

नमस्ते, के मैले गाँजाबाजा नाम राख्दा समाजमा बिकृति फैलिन्छ?म चलचित्र गाँजाबाजा निर्माण गर्न नेपाल सरकारको नियम अनुसार प्रकृयागतरुपमा दर्ता गर्न र निर्माण इजाजत लिन चलचित्र विकास बोर्डमा आबेदन दिदा गाँजाबाजा नाम राख्न नपाइने र नाम परिवर्तन गर्नुपर्ने बताउदै मलाई निर्माण इजाजत दिइएन, इजाजत लिन पटक पटक बोर्ड जादा कुनै ठोस कारण बिना फर्काइयो, सम्बन्धित फाटका कर्मचारीसंग निर्माण इजाजत पत्र माग्दा मौखिक रुपमा दिन मिल्दैन माथिको आदेश हो भनियो, बोर्डका अध्यक्ष (माथिबाट आदेश दिने ) ज्युलाइ भेटि मौखिक निबेदन गर्दा कुनै पनि हालतमा गाँजाबाजा नाम राखी चलचित्र निर्माण गर्न नदिने बताइयो, कानुनी रुपमा मिल्दैन भने के कति कारणले नमिल्ने लिखित रुपमा पनि दिइएन र ठोस कारण पनि देखाएन, मैले पुन पत्र मार्फत निबेदन गर्दा कानुनले गाँजालाइ लागुऔषध परिभाषित गरेकाले बोर्डको निर्णय अनुसार इजाजत दिन नसकिने जानकारी गराइयो. नेपालको कानुन अनुसार गाँजा ओसार-पसार, बेचबिखन र प्रयोग गर्न पाइदैन तर शब्दनै प्रयोग गर्न नपाइने पनि हुन्छ र?मैले गाँजाबाजा मार्फत आजको सामाजिक यथार्तको एउटा पाटोलाइ चित्रण गरेको छु, गाँजाबाजाले समाजमा कुनै पनि प्रकारको बिकृति नल्याउने  गाँजाबाजा नामले कसैलाइ सामाजिक,व्यक्तिगत र भावानामक असर नपुर्याउने हुदा गाँजाबाजा किन राख्न नपाउने? मेरा रचना सार्वजनिक भए पछि मन पराउनु नापराउनु दर्शकको अधिकारको तर म मेरा भावना ब्यक्त गर्ने,र मेरो रचनाको नामकरण गर्न पाउनु मेरो अधिकार हो भन्ने मैले बुझेको छु म यो देशको जिम्मेदार नागरिक हु र म समाज प्रति उत्तरदायी छु, म नेपालको सम्बिधानलाइ सम्मान गर्दै यसले दिएको सिर्जनात्मक अधिकारको माग गर्दछु, गणतन्त्र भएको देशमा के कति कारणले गाँजाबाजा नाम राखेर चलचित्र निर्माण गर्न मैले पाउदिन मैले बुझ्न सकेन, बिना कारण म एउटा रचनाकारले मानसिक र आर्थिक तनाब झेल्नु परेको छ, मैले गलत निर्णयलाइ सहि निर्णयमा बदल्न यस समाजको साथ र हिम्मत पाउने छु र अदालतबाट न्याय पाउने छु भन्ने पुरा विश्वास राखेको छु। 

गणेश देब पाण्डे 

बुटवलमा यस कुमारलाई सम्मान गरिने ( बाटोमुनीको फुल २ ) S. KUMAR IS GOING TO BE HONOR AT BUTWAL ( Baato Muni ko Phool -2 )

बुटवलमा नेपाली चलचित्र बाटोमुनीको फुल बनाएका यस कुमारलाई सम्मान  गरिने भएको छ । बिगत थुप्रै बर्षबाट गीत संगीतको माध्यामले  जातिय छुवाछुत बिरुद्ध  आवाज उठाइरहेका  यस कुमार पछिल्लो समयमा नेपाली चलचित्र बाट पनि जातिय भेदभाव अनि छुवाछुत बिरुद्ध जन चेतना फ़ैलाइरहेका छन्  । गीत संगीतको कुरा गर्दा यस कुमारका सबै गीतहरु मार्मिक, जातीय छुवाछुत  बिरुद्ध र सुपर हिट  रहेका छन् भन्दा फरक नपर्ला र  गीत संगीत बाट जन चेतना जगाइरहेका एस कुमारले आफ्नो उत्कृष्ट गीत संगीत जस्तै  उत्कृष्ट  चेतना मुलक नेपाली चलचित्र पनि निर्माण गरेका छन्  जसको फलस्वरूप  बाटोमुनिको फुल १ फुल हाउस थियो भने यहि बैशाख १० गते बाट नेपाल अधिराज्य भर चलिरहेको  बाटोमुनिको फुल २ नेपालका अधिकांस फिलिमहल हरुमा फुल हाउस रहेका छन् ।

         आफ्नो जीवनलाईनै छुवाछुत बिरुद्ध आवाज उठाउनमा समर्पित गरेरका एस कुमारलाई उनको यो सराहनीय कार्यकोलागि बुटवलमा एउटा कार्यक्रम बिच सम्मान गरिने भएको छ। यो सम्मान कार्यक्रममा एस कुमार संगै बाटोमुनिको फुल २ का कलाकारहरु पनि बुटवल आउने आयोजकले जानकारी गराएका छन्। मूल आयोजक सुन चाँदी व्यवसायी संघ बुटवल शाखा रुपन्देही र सह आयोजकहरु  सुन चाँदी व्यवसायी महिला समूह  बुटवल , विश्वकर्मा महिला समाज बुटवल , यस.के समाज रुपन्देही , परियार सेवा समाज रुपन्देही , नेपाल स्वतन्त्र सिलाई व्यवसायी संघ रुपन्देही , दलित पत्रकार संघ नेपाल , दलित महिला संघ रुपन्देही र बागेश्वरी संगीतालय बुटवल को आयोजनामा यो कार्यक्रम हुन लागेको हो। सम्मान कार्यक्रम निम्न मिति र स्थानमा हुने भएको छ।

मिति २०७३ बैशाख २६ गते शनिबार स्थान - भ्यू सिनेमा , शिंह कम्प्लेक्स , अमरपथ समय - बिहान ७. ३० बजे